Sunday, February 16, 2014

റ ഹിമിന്റെ - പ്രവാസി ലോകം - തിരക്കഥ - ലക്കം ഒന്ന്




  ആരംഭം


  സൗദി അറേബ്യ . നാല്‍പ്പതു വയസ്സ് പ്രായമുള്ള ഹമീദും ഭാര്യയും രണ്ട് കുട്ടികളും സന്തോഷമായി റിയാദില്‍ ഒരു കമ്പനിയില്‍ ജോലി ചെയ്യുന്നു . സന്തോഷം നിറഞ്ഞ കുടുംബാന്തരീക്ഷം .
അങ്ങനെയിരിക്കെ , ഹമീദിന്റെ പെങ്ങളുടെ മകന്‍ റഹിം , റിയാദിലേക്ക് പുതിയ വിസ എടുത്തു വരുന്നു . ഫ്രീ വിസക്കാണ് വരുന്നത് . ഹമീദാണ് വിസക്കുള്ള കാശു  മുടക്കുന്നത് . റഹിമിന്  ആണെങ്കില്‍ , അറബി ഭാഷ നല്ല വശമില്ല . സൌദിയിലെ ജീവിത സാഹചര്യങ്ങളും അത്ര വശമില്ല . നാട്ടില്‍ ജോലി ഒന്നും ചെയ്യാതെ കൂട്ടുകാരുടെ കൂടെ കറങ്ങി നടപ്പാണ് പണി . റഹിമിന് ഒരു ഉത്തരവാദിത്വ ബോധം വരാനും കുറച്ചു കാശു സംഭാദിക്കാനും വേണ്ടി , ബാപ്പയും , ഉമ്മയും കൂടി അളിയനായ ഹമീദിന്റെ അടുത്തേക്ക് അയച്ചിരിക്കുകയാണ് .

തുടര്‍ന്നു വായിക്കുക..



റ ഹിമിന്റെ - പ്രവാസി ലോകം - തിരക്കഥ ലക്കം ഒന്ന്



( ഹമീദിന്റെ വീട് . സന്ധ്യാ സമയം ഏഴ് മണി . ഹമീദിന്റെ കുട്ടികള്‍ . റസാക്കിനു ഏഴു വയസ്  ., സഫിയക്ക്‌ അഞ്ചു വയസ് . ഒരു മേശക്ക് ചുറ്റും ഇരുന്നു പഠിക്കുന്നു . ഇപ്പോഴും കുസൃതി കാണിക്കലും നേരെ നോക്കിയാല്‍ തമ്മില്‍ തല്ലുമാണ് . സഫിയ പഠിക്കുന്ന കാര്യത്തില്‍ റസാക്കിനെക്കള്‍ മുന്‍പിലാണ് . പക്ഷേ , റസാക്ക്‌ ക്ലാസ്സില്‍ ചെന്നാല്‍ ടീച്ചറുടെ ഓമനയാണ് . കാരണം , ക്ലാസ്സില്‍ എല്ലാ കാര്യത്തിലും ഒന്നാമന്‍ റസകാണ് )

സീന്‍ - ഒന്ന്

സഫിയ ഉറക്കെ വായിക്കുകയും എഴുതി പഠിക്കുകയും ചെയ്യുന്നു. പഠിത്തത്തില്‍ അതീവ ശ്രദ്ധാലുവായിട്ടാണ് ഇരിക്കുന്നത് .
റസാക്കാനെങ്കില്‍ അശ്രദ്ധനായി പുസ്തകത്തിന്റെ താളുകള്‍ മറിച്ചുകൊണ്ട് , വേറെ എന്തൊക്കെയോ ആലോചിച്ചുകൊണ്ട്‌ ഇരിക്കുന്നു .
സഫിയ ഉറക്കെ വായിക്കുന്നത് കേള്‍ക്കാം . സഫിയയുടെ ഉച്ചത്തിലുള്ള പഠിത്തം കാരണം റസാകിനു ശ്രദ്ധിക്കാന്‍ പറ്റുന്നില്ല . അവന്‍ ഒരു വഴി ആലോചിച്ചു . പെട്ടെന്നാണ് സഫിയയുടെ കയ്യിലിരിക്കുന്ന ഭംഗിയുള്ള പെന്‍സില്‍ അവന്റെ ശ്രദ്ധയില്‍ പെട്ടത് . എന്നിട്ട് മിണ്ടാണ്ടിരുന്നു .

പെട്ടെന്ന് ......................

റസാക്ക്     : ഉമ്മാ .......ഓടി വരിന്‍ ...........വലിയൊരു എലി ...., അല്ല     
             പല്ലി .......
(പഠിച്ചുകൊണ്ടിരുന്ന സഫിയ ഇതുകേട്ട് ഞെട്ടി . സഫിയ അറിയാതെ വിളിച്ചു പോയി )

സഫിയ     : ഉമ്മിച്ചി .....ഓടിവായോ .......വല്യ എലി ....ഉമ്മിച്ചി .......

( സഫിയയുടെ ശ്രദ്ധ എല്ലാം പോയി . ഇരുന്നിരുന്ന കസേരയില്‍ നിന്ന് എടുത്തൊരു ചാട്ടം . പുസ്തകങ്ങളും പെന്സില്മെല്ലാം നിലത്തു ചിതറി വീണു .
ഈ തക്കം നോക്കി റസാക്ക്‌ സഫിയയുടെ ഭംഗിയുള്ള പെന്‍സില്‍  കയിക്കലക്കുന്നു . കുറച്ചു നേരമായിട്ടും ഉമ്മച്ചി വന്നില്ല . സഫിയ പതുക്കെ നിലത്തു നിന്നും എണീറ്റു . കുറച്ചു പേടിയോടെ വീണ്ടും കസേരയില്‍ വന്നിരുന്നു . )
സീന്‍ - രണ്ട്

റസാക്ക്     : സഫിയേ .....ഞാന്‍ പറഞ്ഞത് പല്ലി വന്നെന്നാണ് ....ഇവിടെ
            എലി യൊന്നും വന്നില്ല . നീയിങ്ങനെ പേടിച്ചാലോ
             ......ഇച്ചിരി ധൈര്യം ഒക്കെ വേണ്ടെടീ പെണ്ണേ ...

 (സഫിയക്ക്‌ അമളി മനസിലായി . വീണ്ടും പഠിത്തം തുടങ്ങി . എഴുതാന്‍ നോക്കിയിട്ട് പെന്‍സില്‍ കാണുന്നില്ല . നോക്കിയപ്പോള്‍ അത് റസാക്കിക്കയുടെ കയിലിരിക്കുന്നു. അപ്പോഴാണ് സഫിയക്ക്‌ കാര്യത്തിന്‍റെ കിടപ്പ് മനസിലായത് . റസക്കിക്ക തന്നെ പറ്റിച്ചതാണെന്ന് വ്യക്തമായി . ഉടനെ ഭിത്തിയില്‍ നോക്കി , അവിടെ എലിയുമില്ല .., പല്ലിയുമില്ല .
സഫിയ തല പുകഞ്ഞാനോചിച്ചു . തിരിച്ചൊരു പണി കൊടുത്തേ പറ്റൂ ..)

കുറച്ചു നേരം അവിടെയിരുന്നു വായിക്കുന്നത് പോലെ അഭിനയിച്ചു . ശ്രദ്ധ മുഴുവന്‍ റസാക്കിലയിരുന്നു .

കുറച്ചു നേരം കഴിഞ്ഞ് .........................
സഫിയ ഉറക്കെ അലറി വിളിച്ചു ......... : ഉമ്മിച്ചി ....പാമ്പ് ...പാമ്പ്
                                ....ഓടിവരണേ.......

 (സഫിയ കസേരയില്‍ നിന്ന് ചാടി എനീല്‍ക്കുന്നതായി അഭിനയിക്കുകയും , കസേര മറിച്ചിടുകയും ചെയ്തു .
റസാക്ക്‌  ഇരുന്ന കസേരയില്‍ നിന്നും മറിഞ്ഞു വീണു . ഇതയും പ്രതീക്ഷിച്ചില്ല . റസാക്കിനു ലോകത്തെറ്റവും പേടി പാമ്പിനെയാണ് . സഫിയക്കതറിയാം .
ഈ സമയം റ സാകിന്റെ കയ്യില്‍ നിന്നും പെന്‍സില്‍ തെറിച്ചു വീണു . സഫിയ അത് ചാടി എടുത്തു . )
സീന്‍ - മൂന്ന്
ഹമീദിന്റെ ഭാര്യ റസിയ ഈ ബഹളം കേട്ട് അടുക്കളയില്‍ നിന്നും ഓടി വന്നു . കയ്യില്‍ പപ്പടം വറുക്കുന്ന ചട്ടുകം . നെറ്റിയിലും താടിയിലും കരി പുരണ്ടിട്ടുണ്ട് . അടുക്കളയില്‍ നല്ല തിരക്കിട്ട ജോലിയില്‍ ആണെന്ന് വ്യക്തം .
 സഫിയ     : ഉമ്മിച്ചി ....പാമ്പ് പോയി..
റസിയ      : ഈ പിള്ളേര്‍ക്ക് എന്തിന്റെ സൂക്കേടാ .., എപ്പോ
             നോക്കിയാലും തമ്മില്‍ തല്ല് .
സഫിയ      : ഉമ്മാ ....
റസിയ      : എന്താടി .....
സഫിയാ (ചിരിച്ചുകൊണ്ട് ) : ഇവിടെ . ഒരു പാമ്പ് വന്നു , പെട്ടെന്ന്
                              പോയി..

 (റസാക്ക്‌ തെല്ലൊരു ജാള്യതയോടെ കസേര നേരെയാക്കി ഇരുന്നു. മനസിലായി പണി തിരിച്ചു കിട്ടിയെന്നു .)

റസാക്ക്‌    : ഉമ്മാ .. എനിക്ക് വിശക്കുന്നു .

റസിയ     : നിങ്ങടെ റഹിമിക്കാ ഇപ്പൊ വരും  , ഇവിടെ
               വഴക്കടിചിരുന്നോ.....

ഇതും പറഞ്ഞ് റസിയ അടുക്കളയിലേക്കു പോയി .

റസാക്കും റസിയയും കൂടി ആശ്ചര്യത്തോടെ : ഹായ് ...റഹിമിക്കാ ....

 (രണ്ടുപേരും കൂടി സന്തോഷത്തോടെ പരസ്പരം നോക്കുന്നു.
പെട്ടെന്ന്  back ground music  കേള്‍ക്കുന്നു . രണ്ട് പേരും കൂടി പാട്ടിനോത്ത് നൃത്തം ചവുട്ടുന്നു . നല്ല അടിപൊളി ഡാന്‍സ് .
ഈ സമയം റസിയാ അടുക്കളയില്‍ നിന്നും ചട്ടുകവുമായി കടന്നു വരുന്നു . അടുക്കളയിലെ ക്ഷീണം , കുട്ടികളുടെ കൂടെയുള്ള ഡാന്‍സില്‍ തീര്‍ന്നു .
റസിയയും നൃത്തം ചവുട്ടുന്നു .
ഈ സമയം ഹമീദും റഹിമും കൂടി എയര്‍ പോര്‍ട്ടില്‍ നിന്നും അവിടേക്ക് കടന്നു വരുന്നു . ഇവരുടെ നൃത്തവും മറ്റും ഒക്കെ കണ്ടിട്ട് റഹിമിന്റെ മുഖം അത്ഭുതം കൊണ്ട് വിടര്‍ന്നു . പിന്നെ പോടീ പൂരം . റഹിമും കൂടി നൃത്തത്തിനു . എല്ലാം കൊണ്ടും ഒരു അടകൊഴമ്പന്‍ കോമഡി ഡാന്‍സ് . )

ലക്കം ഒന്ന് ഇവിടെ പൂര്‍ണ്ണമാകുന്നു

Written by binumayappallil


                        

  



   




Sunday, February 9, 2014









നോവല്‍ -രഹസ്യം - ലക്കം പതിനാല്


അത്യന്തം ആകാംക്ഷയോടെ ജിക്സന്‍ ആ കത്ത് വായിച്ചു . പ്രേമലേഘനം തന്നെ . ജീവിതത്തില്‍ ആദ്യമായി കിട്ടുന്ന ഒരു പ്രേമലേഘനം. കൈകള്‍ക്ക് ഒരു വിറയല്‍ വന്നോ എന്നൊരു സംശയം . ആ കത്തിന്റെ ഉള്ളടക്കം ഇതായിരുന്നു .

എനിക്ക് തന്നെ ഇഷ്ടമാണ് , ഒത്തിരി ഇഷ്ടമാണ് .താനെന്താണ് ഒറ്റയ്ക്ക് ഈ മരത്തിന്‍റെ ചുവട്ടില്‍ വന്നിരിക്കുന്നത് . തന്റെ പ്രത്യേക രീതിയിലുള്ള ഈ പെരുമാറ്റം എന്നെ വല്ലാതെ ആകര്‍ഷിച്ചിരിക്കുന്നു . എന്നെ ഇഷ്ടമാണെങ്കില്‍ നാളെ ഈ സമയത്ത് ഈ മരത്തിന്റെ ചുവട്ടില്‍ വരണം .

                                          എന്ന് ലിഷ .  “

വായിച്ചു കഴിഞ്ഞപ്പോള്‍ മേലാകെ അനുരാഗ കമ്പിത്തിരി .., മൂടല്‍ മഞ്ഞ് വൃക്ഷ ലതാതികളെ വരി പ്പുണരുന്നപോലെയുള്ള ഒരു അനുഭവം . ഒരു പ്രേമഗീതം തനിക്കു ചുറ്റും നൃത്തം വക്കുന്നതുപോലെ ജിക്സന് തോന്നി .

പ്രഭാതം പൊട്ടിവിടര്‍ന്നു . കോളേജ് കാമ്പസിലെ മരചില്ലകളിലിരുന്ന് കിളികള്‍ മധുര ഗീതം പാടി . ഇരട്ട വാലന്‍ കിളികള്‍ കപ്പല് മങ്ങകളില്‍ അള്ളിപ്പിടിച്ചിരുന്നു കൊത്തിപ്പറിക്കാന്‍ തുടങ്ങി . പ്രിസിപ്പളിന്റെ വെസ്പ സ്കൂട്ടര്‍ ഗേറ്റ് കടന്നു ഉള്ളിലേക്ക് പ്രവേശിച്ചു . കാന്റീനില്‍ കുട്ടികളുടെ നല്ല തിരക്ക് . കോളേജിലെ കുട്ടിനേതാക്കന്മാര്‍ സമരം ചെയ്യാനുള്ള ഒരു കാരണവും തപ്പി തല പുകച്ചുകൊണ്ടു ഓടിനടക്കുന്നു . ലിഷ അന്ന് കൂട്ടുകാരികളോടൊപ്പം കുറച്ചധികം പ്രതീക്ഷകളോടെയാണ് വന്നത് . അന്നും പതിവ് പോലെ ഇന്നലത്തെ സമയത്ത് തന്നെ അവര്‍ കപ്പലുമാവിന്‍ ചുവട്ടില്‍ വന്നിരുന്നു . പക്ഷെ ജിക്സനെ മാത്രം അവിടെ കണ്ടില്ല . കുറെ നേരം കന്നിലെണ്ണയും ഒഴിച്ച് പ്രതീക്ഷയോടെ അവര്‍ ജിക്സന്റെ വരവും കാത്ത് ഇരുന്നു . അവസാനം ജിക്സന്‍ വരില്ലെന്ന് ഉറപ്പായപ്പോള്‍ എണീറ്റു പോയി . പരിഭവങ്ങളും കമന്റുകളും കേള്‍ക്കേണ്ടി വന്നെങ്കിലും അതൊന്നും കാര്യമയെടുക്കാന്‍ പോയില്ല. അങ്ങനെ ആ പ്രേമത്തിന്റെ കഥ കഴിഞ്ഞു .
രണ്ട് മുറികള്‍ മാത്രമുള്ള ജിക്സന്റെ വീട് . അപ്പന്‍ കൃഷിക്കാരന്‍ . വീട്ടിലാണെങ്കില്‍ വലിയ വരുമാനമോന്നുമില്ല . ചമ്മന്തിയും ചിലപ്പോള്‍ മുള കിടിച്ചതുമാണ് കറികള്‍ . മഴ പെയ്താല്‍ വീടിനകവും പുറവും എല്ലാം ഒരുപോലെ . തനിക്കാനെങ്കില്‍ ജോലിയുമില്ല . ലിഷ യാണെങ്കില്‍ നല്ല സാമ്പത്തിക ശേഷിയുള്ള വീട്ടിലെ പെണ്ണ് . എനിക്ക് ലിഷയെ ഒത്തിരി ഇഷ്ടമാണ് . പക്ഷെ ഈ ഒരവസ്ഥയില്‍ എങ്ങനെയാണു ഞാന്‍ പ്രേമിക്കാന്‍ പോണത് . ഒരു നാരങ്ങാ വെള്ളം വാങ്ങിച്ചു കൊടുക്കാന്‍ പോലും കയ്യില്‍ കാശില്ല . ഇതൊക്കെയായിരുന്നു ജിക്സന്‍ ആ പ്രേമബന്ധത്തില്‍ നിന്നും പിന്തിരിയാനുള്ള കാരണം.
ട്രെയിനിന്റെ ശബ്ദ കോലാഹലങ്ങള്‍ തന്നെ വീര്‍പ്പുമുട്ടിക്കുന്നതായി തോന്നി. എനിക്കും പ്രേമിക്കാനും സ്നേഹിക്കാനും ഉള്ള ഒരു നല്ല മനസ്സോക്കെയുണ്ട് . ഞാന്‍ മൂലം ലിഷയുടെ ഭാവി മോശമാവതിരിക്കാനാണു അന്ന് അങ്ങനെ ചെയ്തത് . ഇപ്പോള്‍ ലിഷ കുട്ടികളോക്കെയായിട്ടു നല്ല ഒരു കുടുംബ ജീവിതം നയിക്കുന്നുണ്ടാവാം . ജിക്സന്‍ തന്റെ സീറ്റില്‍ ഇരുന്നുകൊണ്ട് തെല്ലു വേദനയോടെ തന്നെ ഇതെല്ലം ഓര്‍ത്തു നെടുവീര്‍പ്പിട്ടു . ഇപ്പോഴും തന്റെ മനസ്സില്‍ ലിഷയെക്കുരിച്ചുള്ള ഓര്‍മ്മകള്‍ തളം കേട്ടികിടക്കണമെങ്കില്‍  , തീര്‍ച്ചയായും ഇതുപോലെ , ലിഷയുടെ മനസിലും ഈ ഓര്‍മ്മകള്‍ കിടക്കുന്നുണ്ടാകാം . ലിഷാ ..മാപ്പ് .....എന്നോട് ക്ഷമിക്കുക ....നല്ലൊരു കുടുംബ ജീവിതത്തിനു എല്ലാ മംഗളങ്ങളും നേരുന്നു .
ട്രെയിന്‍ അടുത്ത സ്റ്റേഷനില്‍ വന്നു നിന്നു . യാത്രക്കാര്‍ പെട്ടിയും തൂക്കി ധൃതിയില്‍ പുറത്തേക്ക് പോകുന്നു . ജിക്സന്റെ ഫോണ്‍ ബെല്ലടിച്ചു ........


ശേഷം ഭാഗം തുടരും ..      
Written by binumayappallil

All copy rights are reserved @binu joseph mayappallil